Konkurransetilsynet har gjennomført ei bevissikring i marknaden for alarm- og tryggingstenester.
– Målet med bevissikringa er å avkrefte eller bekrefte eit potensielt brot på forbodet i konkurranselova mot ulovleg samarbeid, seier fungerande etterforskingsdirektør Svenn Gaulen.
Det at Konkurransetilsynet har gjennomført ei bevissikring inneber ikkje at føretak i denne marknaden er skuldig i lovbrot. Etterforskinga er framleis i gang.
Konkurransetilsynet kan ikkje gå konkret inn i denne aktuelle saka, men pressetelefonen vil bli betent på vanleg måte i den ordinære arbeidstida dersom det er behov for generell prosessinformasjon.