– Etter ei samla vurdering finn tilsynet ikkje grunnlag for å gå vidare med saka, seier avdelingsdirektør Magnus Gabrielsen.
Han understrekar samtidig at dominerande aktørar har eit særleg ansvar for å sjå til at dei ikkje avgrensar konkurransen.
– Tilsynet si vurdering så langt er at Jotun er ein dominerande aktør i marknaden for sal av dekorativ maling i Noreg, seier Gabrielsen.
Dekorativ maling inkluderer maling til utandørs og innandørs bruk.
Betydeleg etterforskingsmateriale
Konkurransetilsynet gjennomførte i februar 2014 ei bevissikring i Jotun sine lokale i Sandefjord, og har sidan dette tidspunktet etterforska saka.
– Vi har gjennomgått eit betydeleg materiale som blei kverrsett under bevissikringa. I tillegg har vi gjennomført fleire forklaringsopptak, og vi har henta inn informasjon frå kundar og konkurrentar. Det har vore nødvendig med ei så omfattande saksbehandling for å sikre ei forsvarleg vurdering, seier Gabrielsen.