Konkurransetilsynet støttar informasjonsdeling mot økonomisk kriminalitet

Konkurransetilsynet støttar forslag til ny forskrift om deling av teiepliktige opplysningar og behandling av personopplysningar i arbeidet mot økonomisk kriminalitet.

Konkurransetilsynet har sendt svar på høyring om forslag til forskrift om deling av taushetsbelagte opplysninger og behandling av personopplysninger i arbeidet mot økonomisk kriminalitet (ø-kriminformasjonsforskriften) til Justis- og beredskapsdepartementet.

Økonomisk kriminalitet har store negative konsekvensar i samfunnet og det er viktig å styrke ulike etatar sitt arbeid mot økonomisk kriminalitet. Konkurransetilsynet vurderer at innføringa av ø-kriminformasjonsforskrifta vil vere eit nyttig verkemiddel i kampen mot slik kriminalitet, då større openheit mellom etatar kan bidra til at fleire lovbrot blir avdekte.

– Konkurransetilsynet meiner at delinga av informasjon som forskrifta legg til rette for, vil kunne vere eit effektivt verkemiddel i arbeidet for å både oppdage og etterforske økonomisk kriminalitet. Tilsynet er positive til at ordninga kjem i stand, og meiner den òg vil kunne vere eit viktig verktøy for å avdekke konkurransekriminalitet, seier konkurransedirektør Mads Magnussen.

Konkurransetilsynet sitt høyringssvar finn du her. 

55395
Portrettbilde av Mads Magnussen, i dressjakke, hvit skjorte og slips foran et vindu.
Mads Magnussen, konkurransedirektør

Pressetelefon: 47 66 77 77