Konkurransetilsynet tildeler til saman 1.9 millionar kroner i tilskotsmidlar til fire forskingsprosjekt innan konkurransefagleg forsking.
Totalt 19 prosjekt søkte om tilskot.
– Vi er glade for å ha motteke ei rekkje søknadar. Prosjekta som får tildelt pengar i år vil bidra med ex-post analyser av fusjoner i bankmarknaden, økt forståing av konkurransen i matmarknadene og innsikt i korleis KI og digitalisering påverkar konkurranse, seier seniorrådgivar Håvard Mork Sandvik.
Etter ei samla vurdering av søknadane er det følgande fire prosjekt som får midlar:
Universitet i Bergen er tildelt midlar på 321 300 kroner til prosjektet “AI Assisted Consumer Decisions”. Prosjektet skal leiast av førsteamanuensis Eeva Mauring ved UIB. Formålet med prosjektet er å utvikle ein teoretisk modell og simulere korleis kunstig intelligens som informasjonsmellomledd kan påvirke forbrukarane sine valg i handelssituasjoner. Prosjektet er planlagd å resultere i ein forskingsartikkel og ein workshop.
Samfunns- og næringslivsforskning er tildelt midlar på 510 000 kroner til prosjektet “Competing for Time: Ownership and Content Investment in Digital Markets”. Prosjektet skal leiast av professor Hans Jarle Kind, og vil gi en teoretisk analyse av korleis multihoming og «konkurranse om kunden si tid» påverkar medieverksemder sine insentiv til å investere i eksklusivt innhald av høg kvalitet, og korleis desse insentiva er avhengige av marknadsstruktur og eigarskapsstruktur. Prosjektet er planlagd å resultere i ein forskingsartikkel.
Menon Economics er tildelt midlar på 600 000 kroner til prosjektet “Ex post-evaluering av to bankfusjonar i den norske personkundemarknaden”. Prosjektet skal leiast av partner Kristoffer Midttømme. Prosjektet skal foreta ein empirisk ex post-evaluering av effektane av to bankfusjonar i den norske personbankmarknaden, og er planlagd å resultere i ein forskingsartikkel.
Oslo Economics er tildelt midlar på 500 000 kroner til prosjektet “Analyse av lokal konkurranse og markedsstruktur i det norske dagligvaremarkedet”. Prosjektet skal leiast av Senior Economist Emil Strøm Halseth. Prosjektet skal estimere ein strukturell likevektsmodell for etablering og konkurranse mellom daglegvarekjeder i lokale marknader i Noreg, og er planlagd å resultere i ein forskingsartikkel.