Årsrekneskap

Årsrekneskapen for statlege verksemder er utarbeidd og avlagt etter retningslinjene fastsett i «Bestemmelser om økonomistyring i staten». Årsrekneskapen er i samsvar med føresegnene punkt 3.4.1, nærare føresegner i Finansdepartementets rundskriv R-115 og “Virksomhets- og økonomiinstruks” fastsett av overordna departement.

Oppstillinga av løyvingsrapporteringa og artskontorapporteringa er utarbeidd med utgangspunkt i føresegnene punkt 3.4.2 – dei grunnleggande prinsippa for årsrekneskapen:

a) Rekneskapen følgjer kalenderåret.

b) Rekneskapen inneheld alle rapporterte utgifter og inntekter for rekneskapsåret.

c) Utgiftene og inntektene er førte i rekneskapen med brutto beløp.

d) Rekneskapen er utarbeidd i tråd med kontantprinsippet.

Oppstillinga av løyvings- og artskontorapportering er utarbeidd etter dei same prinsippa, men gruppert etter ulike kontoplanar. Prinsippa samsvarer med krav i føresegnene punkt 3.5 til korleis verksemda skal rapportere til statsrekneskapen. Summeringslinja «Netto rapportert til løyvingsrekneskapet» er lik i begge oppstillingane.

Konkurransetilsynet er knytt til statens konsernkontoordning i Noregs Bank i samsvar med krav i føresegnene punkt 3.7.1. Bruttobudsjetterte verksemder blir ikkje tilført likviditet gjennom året, men har ein trekkrett på konsernkontoen sin. Ved årets slutt blir saldo på kvar enkelt oppgjerskonto nullstilt.

Oppstillinga av løyvingsrapporteringa viser løyvingsrapportering, og behaldninga verksemda står oppført med i kapitalrekneskapen. Løyvingsrapporteringa viser rekneskapstal som Konkurransetilsynet har rapportert til statsrekneskapen. Det er oppstilt etter kapittel og post i løyvingsrekneskapen som verksemda har fullmakt til å disponere. Oppstillinga viser alle finansielle eigedelar og gjeld vi står oppført med i statens kapitalrekneskap.

Mottekne fullmakter til å belaste kapittelet for ei anna verksemd/post (belastningsfullmakter) blir ikkje vist i kolonnen for samla tildeling, men er omtalt i note B til løyvingsoppstillinga. Utgiftene knytt til mottatte belastningsfullmakter er bokførte og rapporterte til statsrekneskapen, og blir vist i kolonnen for rekneskap.

Gitte belastningsfullmakter er inkluderte i kolonnen for samla tildeling, men blir bokført og blir ikkje rapportert til statsrekneskapen frå verksemda sjølv. Gitte belastningsfullmakter blir bokførte og rapportert av verksemda som har mottatt belastningsfullmakta og blir derfor ikkje vist i kolonnen for rekneskap. Dei gitte fullmaktene kjem fram i note B til løyvingsoppstillinga.

Oppstillinga av artskontorapporteringa har ein øvre del som viser kva som er rapportert til statsrekneskapen etter standard kontoplan for statlege verksemder og ein nedre del som viser eigedelar og gjeld som inngår i mellomverande med statskassa. Artskontorapporteringa viser kva rekneskapstal vi har rapportert til statsrekneskapen etter standard kontoplan for statlege verksemder. Verksemda har ein trekkrett for disponible tildelingar på konsernkonto i Noregs Bank. Tildelingane skal ikkje inntektsførast, og visast derfor ikkje som ei inntekt i oppstillinga.

Vi har ein trekkrett for disponible tildelingar på konsernkonto i Noregs Bank. Tildelingane skal ikkje inntektsførast, og visast derfor ikkje som ei inntekt i oppstillinga. Note 9 i artskontorapporteringa viser forskjellar mellom avrekning og mellomverande med statskassa.

Rekneskapstal i løyvings- og artskontorapportering med notar viser rekneskapstal rapportert til statsrekneskapen. Note 7 til artskontorapporteringa viser forskjellar mellom avrekning og mellomverande med statskassa. Nota viser forskjellen mellom beløp verksemda har bokført på eigedels- og gjeldskontoar i kontospesifikasjonen for verksemda (saldo på kunde- og leverandørreskontro) og beløp verksemda har rapportert som fordringar og gjeld til statsrekneskapen og som inngår i mellomveranda med statskassa.

Konkurransetilsynet har innretta bokføringa slik at den følger krava i “Bestemmelser om økonomistyring i staten”. Dette inneber at alle opplysningar om transaksjonar og andre rekneskapsmessige disposisjonar som er nødvendige for å utarbeide pliktig rekneskapsrapportering, jf. føresegnene punkt 3.3.2, og spesifikasjon av pliktig rekneskapsrapportering, jf. føresegnene punkt 4.4.3, er bokførte. Føresegnene krev mellom anna utarbeiding av kundespesifikasjon og leverandørspesifikasjon. Det inneber at sals- og kjøpstransaksjonar blir bokført i kontospesifikasjonen på eit tidlegare tidspunkt enn dei blir rapporterte til statsrekneskapen.

Stikkordet «kan overførast»

Forskingsmidlar kapittel 0911 post 70 kan overføre summen av dei siste to års løyving, jf. rundskriv R-2. Mogleg overførbart beløp er kr. 3 575 926.

Fullmakt til å overskride driftsløyving mot tilsvarande meirinntekter

Refusjonar av lønn på totalt kr. 2 645 777 er nettoført i driftsutgiftene.

Mogleg overførbart beløp

Kapittel 0911 post 01 kr. 3 708 483

Kapittel 0911 post 70 kr. 3 575 926

* Pensjonar blir utgiftsført i artskontorapporteringa. Premiesatsen for arbeidsgjevardelen utgjorde i 2023 11,6 prosent (arbeidsgjevardelen av pensjonspremien/pensjonsgrunnlaget i 2023 rapportert til SPK).

Konkurransetilsynet har i 2023 hatt ei auke i husleigerelaterte utgifter grunna sterk prisvekst. Konsulenttenester har hatt ei kraftig auke frå 2022 til 2023, grunna anskaffing av maskinlæringsplattform, konsulentar til leiarutvikling og pågåande saker.

Konkurransetilsynet har ikkje hatt innbetalingar frå gebyr som følgje av brot på konkurranselova i 2023. Størrelsen på gebyr i rekneskapen vil variere vesentleg frå år til år i samsvar med talet på saker og saken sin art.

Konkurransetilsynet har i 2023 betalt ut 2 671 074 kroner til konkurransefagleg forsking under post 70. Tilsynet har i 2023 lyst ut og tildelt 2,2 millionar kroner i tilskotsmidlar til konkurransefagleg forsking for 2023-2025. Alle tilgjengelege midlar er lyst ut og tildelt gjennom vedtak. Se vedlegg 2 for utfyllande informasjon om forskingsprosjekta.