Årsrekneskap

Årsrekneskap for statlege verksemder er utarbeidd og lagt fram etter nærare retningslinjer fastsette i føresegner om økonomistyring i staten (“føresegnene”). Årsrekneskapen er i samsvar med krava i føresegnene punkt 3.4.1, nærare føresegner i Finansdepartementet sitt rundskriv R-115 av desember 2024 og eventuelle tilleggskrav fastsette av overordna departement.

Oppstillinga av løyvingsrapporteringa og artskontorapporteringa er utarbeidd med utgangspunkt i føresegnene punkt 3.4.2 – dei grunnleggjande prinsippa for årsrekneskapen:

a) Rekneskapen følgjer kalenderåret.

b) Rekneskapen inneheld alle rapporterte utgifter og inntekter for rekneskapsåret.

c) Rekneskapen er utarbeidd i tråd med kontantprinsippet.

d) Utgifter og inntekter er førte i rekneskapen med bruttobeløp.

Oppstillingane av løyvings- og artskontorapporteringa er utarbeidde etter dei same prinsippa, men grupperte etter ulike kontoplanar. Prinsippa samsvarer med krava i føresegnene punkt 3.5 til korleis verksemdene skal rapportere til statsrekneskapen. Sumlinja “Netto rapportert til løyvingsrekneskapen” er lik i begge oppstillingane.

Verksemda er tilknytt statens konsernkontoordning i Noregs Bank i samsvar med krava i føresegnene pkt. 3.7.1. Bruttobudsjetterte verksemder blir ikkje tilførte likviditet gjennom året, men har ei trekkrett på sin konsernkonto. Ved årsskiftet blir saldoen på den enkelte oppgjerskonto nullstilt ved overgang til nytt år.

Oppstillinga av løyvingsrapporteringa omfattar ein øvre del med løyvingsrapporteringa og ein nedre del som viser behaldningar verksemda står oppført med i kapitalrekneskapen. Løyvingsrapporteringa viser rekneskapstal som verksemda har rapportert til statsrekneskapen. Ho er sett opp etter dei kapitla og postane i løyvingsrekneskapen som verksemda har fullmakt til å disponere. Kolonnen samla tildeling viser kva verksemda har fått stilt til rådvelde i tildelingsbrev for kvar statskonto (kapittel/post). Oppstillinga viser i tillegg alle finansielle eigedelar og forpliktingar verksemda står oppført med i statens kapitalrekneskap.

Mottatte fullmakter til å belaste eit anna kapittel/post (belastingsfullmakter) er ikkje viste i kolonnen for samla tildeling, men er omtala i note B til løyvingsoppstillinga. Utgiftene knytt til mottatte belastingsfullmakter er bokførte og rapporterte til statsrekneskapen, og kjem fram i kolonnen for rekneskap.

Avgitte belastingsfullmakter er inkluderte i kolonnen for samla tildeling, men blir ikkje bokførte og rapporterte til statsrekneskapen av verksemda sjølv. Dei blir bokførte og rapporterte av verksemda som har mottatt belastingsfullmakta og er derfor ikkje synlege i kolonnen for rekneskap. Dei avgitte fullmaktane kjem fram i note B til løyvingsoppstillinga.

Oppstillinga av artskontorapporteringa har ein øvre del som viser kva som er rapportert til statsrekneskapen etter standard kontoplan for statlege verksemder, og ein nedre del som viser eigedelar og gjeld som inngår i mellomverande med statskassa. Artskontorapporteringa viser rekneskapstal verksemda har rapportert til statsrekneskapen etter standard kontoplan for statlege verksemder. Verksemda har ei trekkrett på konsernkonto i Noregs Bank. Tildelingane er ikkje rapporterte som ei inntekt til statsrekneskapen og blir derfor ikkje viste som inntekt i artskontorapporteringa.

Stikkordet “kan overførast”
Forskingsmidlar kapittel 0911 post 70 kan overføre summen av dei siste to års løyvingar, jf. rundskriv R-2. Mogleg overførbart beløp er kr 3 296 153.

Fullmakt til å overskride driftsløyvingar mot tilsvarande meirinntekter
Refusjonar av løn på totalt kr 1 566 383 er nettoførte i driftsutgiftene.

Mogleg overførbart beløp
Kapittel 0911 post 01: kr 2 618 095
Kapittel 0911 post 70: kr 3 296 153

* Kolonnen viser lønskompensasjon på den enkelte budsjettpost for lønnsoppgjera 2024, slik dei er føreslåtte i departementa sine omgrupperingsproposisjonar og slik dei kjem fram i vedlegg 4 i Prop. 36 S (2024–2025) Nysaldering av statsbudsjettet 2024. Sjå det årlege rundskrivet R-2/2025 for meir detaljert informasjon.