Handlingsplanen inneheld mål, konkrete tiltak og ansvarlege i arbeidet vårt, og vil vere eit vedlegg til HMS-planen. Gode HMS-resultat krev eit sterkt engasjement, god leiarkompetanse, og eit systematisk samarbeid med tillitsvalde og vernetenesta.
Kvar haust arrangerer vi “Helseveke”, der markering av Verdsdagen for psykisk helse er ein raud tråd gjennom veka. I 2024 inviterte vi ein ekstern foredragshaldar som snakka om psykologisk tryggleik, kommunikasjon og samhandling. Tema sjølvleiing var òg på agendaen.
Andre inkluderande tiltak omfattar tilbod om influensavaksine, trening i arbeidstida og fleksibel bruk av heimekontor. Gravide får tilbod om samtale med jordmor og leiar på arbeidsplassen, slik at det kan leggjast til rette for at den gravide skal kunne stå lengst mogleg i arbeid gjennom svangerskapet.
Konkurransetilsynet har høg aktivitet i både bedriftsidrettslaget og velferdskomiteen, som legg opp til eit variert utval av sosiale aktivitetar.
Vi brukar fleire metodar for å følge opp arbeidsmiljøet, mellom anna årlege medarbeidarsamtalar, ulike kartleggingar, sluttsamtaler, vernerundar og partssamarbeid i arbeidsmiljøutval og månadlege samarbeidsmøte med tillitsvalde.