Introduksjon til verksemda og nøkkeltal

1. Å handheve konkurranselovgjevinga

Konkurransetilsynet sikrar at konkurranselova og EØS-avtalen blir etterlevd. Konkurranselova forbyr samarbeid som avgrensar konkurransen og misbruk av ei dominerande stilling. Føretak må melde frå til tilsynet om fusjonar og oppkjøp, og tilsynet kan gripe inn om desse truar rettferdig konkurranse.

2. Å vere ein pådrivar for konkurranse

Ved å vere synlege og engasjerte i offentlegheita, bidreg Konkurransetilsynet til auka forståing av betydning av konkurranse og korleis velfungerande marknader fremjar økonomisk vekst og velferd. Tilsynet arbeider og for konkurranse ved å identifisere og adressere forhold i offentlege ordningar og reguleringar som kan hemme konkurransen. Vi fremjar forslag for å styrkje konkurransen, fordi ein sunn konkurranse er nøkkelen til ein sterk økonomisk vekst og eit godt samfunn for oss alle.

Organisering

3 marknadsavdelingar med ansvar for kvar sine marknader.

3 fag-stabar med spesialistkompetanse på konkurranserett, konkurranseøkonomi og etterforsking.

1 stab for kommunikasjon.

1 administrasjons- og organisasjonsavdeling.

Du finn bilete og informasjon om leiinga på pressesida vår.

Overordna departement og klageorgan

Konkurransetilsynet er eit statleg forvaltningsorgan og er underlagt Nærings- og fiskeridepartementet (NFD). Tilsynet skal handheve  konkurranselova, og kan ikkje instruerast av departementet i enkeltsaker.
I 2017 vart Konkurranseklagenemnda (KKN) oppretta som eit nytt, uavhengig organ for handsaming av klager på tilsynet sine vedtak og avgjerder. Dette gjeld ikkje vedtak gjort etter pristiltakslova.