Introduksjon til verksemda og nøkkeltal

1. Å handheve konkurranselovgjevinga

Vi sikrar at konkurranselova og EØS-avtalen blir følgde. Konkurranselova forbyr samarbeid mellom føretak som avgrensar konkurransen og misbruk av dominerande stillingar. Føretak må melde frå til tilsynet om fusjonar og oppkjøp (til dømes fusjonar der to eller fleire føretak blir slått saman til eitt), og vi kan gripe inn om desse truar rettferdig konkurranse.  

2. Å vere ein pådrivar for konkurranse

Gjennom aktiv kommunikasjon og engasjement i offentlegheita fremjar vi forståinga av korleis velfungerande marknader bidreg til økonomisk vekst og velferd. Vi identifiserer og adresserer barrierar for konkurranse i offentlege ordningar og reguleringar, og kjem med forslag som styrkar konkurransen.   

Organisering

3 marknadsavdelingar med ansvar for kvar sine marknader.

2 fag-stabar med spesialistkompetanse på konkurranserett og konkurranseøkonomi.

1 avdeling for data og analyse.

1 stab for kommunikasjon.

1 administrasjons- og organisasjonsavdeling.

Du finn bilete og informasjon om leiinga på pressesida vår.

Overordna departement og klageorgan

Konkurransetilsynet er eit statleg forvaltningsorgan underlagt Nærings- og fiskeridepartementet (NFD). Tilsynet handhevar konkurranselova, men kan ikkje instruerast av departementet i enkeltsaker.

Konkurranseklagenemnda er det uavhengige organet for handsaming av klager på vedtak og avgjerder frå tilsynet. Dette gjeld ikkje vedtak som er fatta etter pristiltakslova.