Introduksjon til verksemda og nøkkeltal

Handheve konkurranselovgjevinga

Konkurransetilsynet handhever konkurranselova og EØS-avtalen. Konkurranselova forbyr samarbeid mellom føretak som avgrensar konkurransen og åtferd som inneberer misbruk av dominerande stilling. Føretak må òg melde frå til tilsynet om fusjonar, oppkjøp og andre føretakssamanslutningar, og vi kan gripe inn om desse truar effektiv konkurranse.

Vere ein pådrivar for konkurranse

Gjennom aktiv kommunikasjon og engasjement i offentlegheita fremjar vi forståinga av korleis velfungerande marknader bidreg til økonomisk vekst og velferd. Vi identifiserer og adresserer barrierar for konkurranse i offentlege ordningar og reguleringar, og kjem med forslag som styrkar konkurransen.

Daglegvaretilsynet

I desember 2025 fatta Stortinget vedtak om å leggje ned Daglegvaretilsynet og overføre ansvaret for handhevinga av lov om god handelskikk i daglegvarekjeda til Konkurransetilsynet. Tilsynet skal vidareføre arbeidet med handheving av lova i samsvar med gjeldande mål og prioriteringar. Overføringa trer i kraft 1. mai 2026.

Overordna departement og klageorgan

Konkurransetilsynet er eit statleg forvaltningsorgan underlagt Nærings- og fiskeridepartementet (NFD). Tilsynet handhevar konkurranselova, men kan ikkje instruerast av departementet i enkeltsaker.

Konkurranseklagenemnda er det uavhengige organet for handsaming av klager på vedtak og avgjerder frå tilsynet. Dette gjeld ikkje vedtak som er fatta etter pristiltakslova.